Владата на САД има намера да заплени имот од 12,6 милијарди долари од мексикански дилер на дрога, Хоакин Гусман, попознат како Ел Чапо, и тоа е износот што неговиот картел го стекнал додека тој бил на чело.
Обвинителот од суд во Бруклин изјави дека е овластен да бара одземање на имот и средства што се стекнати од кривични дела за кои се товари и Ел Чапо и кои се поврзани со шверц на дрога.
Според пресметките на обвинителството, лидерот на картелот за дрога за 25 години, заработил 11,8 милијарди долари од продажбата на кокаин, 846 милиони долари од продажба на марихуана и 11 милиони долари од хероин.
Тие пари биел испрани и користени да се платат соработници и лица од картелот како и добавувачи и комуникациска опрема. Со тие пари купиле и авиони и подморници што се користеле за шверц на дрога.
Неименуван соработник на Ел Чапо пред судот изјави дека шефотживеел луксузно во 90-тите години, кога поседувал четири авиони, куќи на многу плажи, различен имот низ Мексико, како и резиденција во Акапулко.
Сега не се знае дали поранешниот нарко бос го поседува се уште истиот имот по неговото апсење во јануари 2016 година и дали дел од имотот префрлил на семејството и пријателите.
Обвинителството го поднесе тоа барање пред рочиште закажано за 17 јули на кое треба да биде изречена казна за Ел Чапо кому му се заканува доживотен затвор.