САД и Израел заеднички го создале вирусот Flame кој ги собира разузнувачките податоци за успорување на иранската нуклеарна програма, пишува американскиот Washington Post.
Весникот наведува дека целта на компјутерскиот вирус е да ги копира компјутерските мрежи и да ги снима компјутерите на иранските официјални лица.
Flame е измислен за да прибира разузнувачки информации во склоп на сајбер кампањата против иранската нуклеарна програма, а во изработката на вирусот учествувале американската Агенција за национална безбедност, ЦИА и израелската војска.
Во сајбер кампањата против иранската нуклеарна програма спаѓа и употребата на друг комјутерски вирус Stuxnet кој предизвикува дефекти во иранската нуклеарна опрема.
Flame е најкомплексната компјутерска шпионска програма која е откриена досега.