Меѓународната непрофитабилна организација Викиликс објави илјадници документи, за кои тврди дека припаѓаат на Центарот за сајбер-безбедност на Централната разузнавачка агенција (ЦИА) на САД.
Со ова веројатно ќе се даде можност да се „ѕирне во кујната“ на кибер-шпионажата што ја спроведувала ЦИА, забележуваат американските медиуми.
Американските медиуми не можат да потврдат дали објавените документи се автентични.
Прашањата за оваа тема, што и беа поставени на ЦИА, засега останаа без коментар.
Викиликс сепак, има долга историја на објавување на многу тајни владини документи, меѓу кои и стотици илјади американски дипломатски програми.
Експертот Џејк Вилијамс, основачот на консултантската компанија во областа на информатичките технологии и безбедносна „Рендишан Инфосек“, кој ги прегледал објавенитее документи, изјави дека тие изгледаат веродостојни.
Ако се потврди нивната автентичност, тоа ќе биде уште еден катастрофален пробив во системот на американското разузнавање, направен од Викиликс и нејзините соработници, кои постојано ги понижуваат САД со масовно објавување на доверливи материјали.