Најмалку 35 лица се уапсени во петок вечер во Виена на контра митингот во тек на годинешниот собир на австриската неонацистичка младина, соопшти австриската полиција.
Инцидентот се случил кога неколку илјади лица се собрале во центарот на Виена во знак на протест поради балот на австриските студенти, екстремни десничари кои со оваа манифестација го одбележуваат 30-ти јануари денот на доаѓањето на Адолф Хитлер на власт во Германија 1939 година.
-Балот е целосно легитимен и ја одразува слободата на изразување- изјави шефот на виенската екстремно десничарска партија ФПО, Хајнц Кристијан Штрахе.
Началникот на виенската полиција Герхард Пирштл забрани одржување на контра митингот кој го организира радикалната левица „NOWKR“.
Инаку во тек на минатогодишниот собир избија судири помеѓу полицијата и левичарите, при што беа повредени повеќе од 20 лица.
Е. Г.