Украинските единици за воздушна одбрана рано утринава се обидуваа да одбијат руски воздушен напад врз Киев, соопшти воената управа на украинскиот град, додека гувернерот на руската област Ростов рече дека остатоците од украинскиот дрон предизвикале пожар во индустриски магацин.
Ројтерс утрово објави дека нивниот сведок во Киев слушнал експлозии кои звучеле како систем за противвоздушна одбрана. Киев, неговиот околен регион и поголемиот дел од централна и североисточна Украина (беа) под предупредување за воздушен напад од околу 2 часа (GMT).
Во исто време, руската област Ростов објави дека напад на украинско беспилотно летало предизвикал пожар на дизел гориво во индустриски магацин. „Повикани се противпожарни единици да го изгаснат пожарот“, изјави гувернерот на руската југозападна област Ростов, Василиј Голубев на апликацијата за пораки Телеграм.
Russian sources say Ukrainian UAVs struck an oil depot in Rostov oblast.https://t.co/scuBiQBAKghttps://t.co/Qb2PGjHnDt pic.twitter.com/bKJGGwXIBX
— Rob Lee (@RALee85) August 18, 2024
Телеграмски канал близок до руските полициски сили База објави дека е оштетено складиште за нафта во Ростов. Ројтерс не можеше независно да ги потврди извештаите.
Киев често вели дека неговите воздушни напади врз руската воена, енергетска и транспортна инфраструктура се одговор на тековните напади на Москва на украинска територија.
Русија утринава ја лансираше својата трета балистичка ракета кон Киев, при што прелиминарните податоци покажуваат дека оружјето било уништено додека се приближувало до градот, соопшти воената администрација на украинската престолнина.
„Ова е веќе трет балистички напад на главниот град во август, со точно растојание од шест дена помеѓу секој напад“, рече на Телеграм Серхи Попко, шеф на воената администрација на Киев.
Russian Telegram channels report a drone attack on an oil depot in Russia's Rostov region.
According to eyewitnesses, 5 drones were seen in the town of Proletarsk in Rostov region.
A huge fire broke out at the site of the attack, tanks with diesel fuel are burning.
The… pic.twitter.com/KgUxta7QbO
— Anton Gerashchenko (@Gerashchenko_en) August 18, 2024
„Според прелиминарните информации, Русите повторно, трет пат по ред, најверојатно користеле севернокорејски балистички ракети“, додаде Попко, истакнувајќи дека единиците за воздушна одбрана на Украина уништиле и голем број беспилотни летала лансирани од Русија.
Сè уште не е јасен степенот на нападот, а Попко рече дека засега нема извештаи за жртви или материјална штета.
Ројтерс не може независно да го потврди типот на лансирани проектили. Сведок на Ројтерс рано во неделата слушнал експлозии кои звучеле како систем за воздушна одбрана.
Околу два часа по првичниот напад, Киев, неговиот околен регион и поголемиот дел од централна и североисточна Украина беа под предупредувања за нови воздушни напади, со нови ракетни закани кон градот, соопштија украинските воздухопловни сили.