Катажина Јакубовска (48) од Полска постави нов Гинисов рекорд откако стоеше во кутија полна со мраз три часа, шест минути и 45 секунди. Овој пат е нешто помалку од рекордот кај мажите што го имаше нејзиниот сонародник, Ксистоф Гајевски (три часа, 11 минути и 27 секунди).
Катажина работи како дизајнерка, а со овој подвиг сакала да инспирира и други жени.
„Верувам дека имаме голема сила. Сакав да докажам дека ако сакаме нешто, можеме да го направиме тоа“, рече таа.
Пред да влезе во „замрзнатата“ кутија, таа беше подложена на низа лекарски прегледи, за експертите да се уверат дека тоа нема негативно да се одрази на нејзиното здравје.
Катажина истакнува дека за време на престојот во мразот (била во костим за капење) не почувствувала болка или непријатност.
„Студот не ми е пречка, можам да најдам топлина во него. Можам да контролирам во што сум и мојата глава знае кога да го испрати вистинскиот сигнал“ изјави Јакубовска.