(ВИДЕО) Врз Запорожје фрлени 5 авионски бомби – загинаа 17 лица, а 18 се повредени

Од:

Бројот на загинати во рускиот воздушен напад врз Запорожје се искачи на 17, вклучително и три деца, додека 18 лица се повредени, соопшти Државната служба за вонредни состојби на Украина.

Како што пренесува „Укринформ“, украинскиот претседател Володимир Зеленски на Фејсбук изјави дека руската армија во текот на ноќта фрли пет наведувани авионски бомби врз станбени згради во Запорожје.

„Денес, Русија се ‘заблагодари’ за укинувањето на санкциите за извоз на дизел со тоа што фрли пет наведувани авионски бомби врз станбени згради во Запорожје. Засега, за жал, знаеме дека загинале 12 лица, меѓу кои и три деца. Изразувам сочувство до нивните семејства и блиски“, напиша Зеленски.

Државната служба за вонредни состојби на Украина подоцна соопшти дека бројот на загинати се искачи на 17.

Зеленски додаде дека се повредени уште 14 лица, од кои две се во тешка состојба и лекарите се борат за нивните животи.

Се проверуваат информациите за уште 12 лица кои можеби се наоѓале на местото на нападот.

Според него, сите надлежни служби се на терен, а во тек се операции за пребарување и спасување.

Би можело да ве интересира

ВИДЕО: Зеленски откри детали за нападот на Кримскиот мост

(ВИДЕО) Зеленски: Онеспособивме повеќе од 55 отсто од руските капацитети за преработка на нафта

Катерина Ѓуровски

Бајден во мемоарите: Зеленски е каприциозен и тврдоглав, не покажува благодарност!

А1он

(ВИДЕО) Зеленски се надева на договор за прекин на огнот: Европски претставници ќе учествуваат во следната рунда преговори

(ВИДЕО) Зеленски и врачи орден за придонес во културата на поранешна манекенка на „Плејбој“

А1он

Небензја: Москва не се согласува на замрзнување на конфликтот во Украина

А1он