Неколку градови во источна Австралија беа покриени со најтешкиот снег во последните децении, додека силна бура го зафати регионот овој викенд, предизвикувајќи поплави, затворање на патишта и прекини во снабдувањето со електрична енергија за илјадници домови, соопштија властите.
Вчера се предвидуваше дека во некои области ќе има до 50 см снег, додека за други се предвидува дека ќе димаат и повеќе од 10 см дожд, соопшти Државната служба за вонредни состојби на Нов Јужен Велс. Условите се подобрија денес.
A rare winter storm is currently bringing heavy snow to northern New South Wales, Australia.
Up to 50 cm of snow fell around Armidale and Guyra — the biggest snowfall in years. pic.twitter.com/6sYfmAaqIX
— Weather Monitor (@WeatherMonitors) August 2, 2025
Делови од северозападниот регион на Нова Англија доживеаја највисоки нивоа на снежни врнежи во последните 20 години, објави австралиската радиодифузна корпорација, додека „Сиднеј морнинг хералд“ објави дека делови од соседниот Квинсленд ги имале првите снежни врнежи во последните 10 години.
Службите за вонредни состојби соопштија дека реагирале на повеќе од 1.455 инциденти и дека повеќе од 100 возила биле заглавени во снегот, додавајќи дека бурите оштетиле згради и издале неколку големи предупредувања за поплави. Десетици илјади домови останаа без електрична енергија преку ноќ, објави ABC.
Полицијата во Нов Јужен Велс, најнаселената држава во Австралија, соопшти дека автомобил бил заглавен во поплавни води преку ноќ и дека сè уште се во тек потрага по жена во дваесеттите години која била однесена од поплавите.