Најмалку 13 луѓе загинаа, а повеќе од пет и пол милиони жители останаа без струја по ударот на ураганот Сенди, кој го погоди источното крајбрежје на САД.
Ураганот, кој прејде во пост-тропска бура, вчеравечер дојде до брегот на Њу Џерси, најтешко погпдувајќи го Атлантик Сити, чиј центар и поголемиот дел од градот се потполно потопени. 
Меѓу настраданите најмногу се во Њујорк, каде што пет луѓе загинаа, а жртви имаше и во Њу Џерси, Масачусец и Конектикат. Едно лице загина и во Торонто, Канада.
Њујорк го погодија и огромни поплави, така што скоро цел долен Менхетен е поплавен, а водата на поедини места надмина 4 метри.
Вкупно 1.37 милиони луѓе во Њујорк и повеќе од милион жители на Њу Џерси останаа без струја. Ситуацијата е малку подобра во Вашингтон и Балитимор, каде што се проценува дека околу 400 илјади луѓе останале без електрична енергија.
[nggallery id=33]
И покрај намалената опасност од силни ветрови и големи врнежи, во Вашингтон, како и Њујорк и денеска ќе биде целосно запрен градскиот сообраќај, а ќе бидат затворени сите државни институции.
Метеоролозите предвидуваат дека подоцна би требало да дојде до смирување на времето, но дожд ќе паѓа се до среда попладне.