Група уметници во парк во Бруклин во Њујорк, поставиле биста на поранешниот агент на американската Национална агенција НСА, Едвард Сноуден, но градските власти набргу ја отстраниле од местото.
Бистата чија тежина изнесува околу 40 килограми, чуварите во паркот најпрвин ја покриле со сина фолија, со цел минувачите да не ја видат, меѓутоа дел од нив сепак успеале да се фотографираат.
Инаку таа била поставена кај споменик во знак на сеќавање на 11.000 затвореници кои настрадале во заробеништво во тек на Американската војна за независност.
Неименуваните уметници навеле дека намерно го избрале тоа место, со цел Сноуден да биде дел од приказната, која зборува за создавање на државата, за слободниот живот, а не за живот под контрола на сопствената влада.
Е.Г.