Во напад со украински дрон врз игралиште во руската погранична Белгородска област синоќа загина едно дете, а две други се повредени, соопшти вршителот на должноста гувернер на регионот. Украинската страна засега не се огласи за овие тврдења.
Во текот на ноќта украински дронови навистина ја нападнаа Белгородската област, при што беше погоден и руски технолошки институт кој се занимава со развој на беспилотни летала и воена технологија.
Multiple Ukrainian attack drones struck Russia's Belgorod State Technological University tonight, per local channels, hitting a building that housed Russian drone development, testing, and operator training.
The development center suffered significant damage. pic.twitter.com/NnjecLs1fR
— OSINTtechnical (@Osinttechnical) August 3, 2026
Според гувернерот на Белгород, Александар Шаваев, дронот погодил подрачје во близина на детско игралиште во селото Принцевка, недалеку од украинската граница.
Тој наведе дека лекарите не успеале да спасат 13-годишно девојче кое се здобило со тешки повреди. Во болница се лекуваат уште две девојчиња, на возраст од 7 и 9 години.
Руската комесарка за правата на децата, Марија Лвова-Белова, според руските новински агенции, го осуди нападот, нарекувајќи го „уште еден нехуман терористички чин на режимот во Киев“.
Тврдењата за нападот и бројот на жртви не можат независно да бидат потврдени. Украинските власти засега не коментираа за инцидентот.