Трите најголеми аеродроми во Москва рано утринава го прекинаа пристигнувањето и полетувањето на авионите, јави руската новинска агенција ТАСС.
„Воздушниот простор е затворен над Внуково, Шереметјево и Домодедово“, рече неименуваниот функционер.
„Влезните летови се суспендирани, а појдовните летови се одложени“, додаде тој.
🎙️The moment a Ukrainian drone exploded in Moscow tonight. #Moscow #Kremlin pic.twitter.com/6M9CDtlhfi
— NATO🇺🇸 VS KREMLIN🇷🇺 (@eduinfotech101) August 22, 2023
Вчера и денеска Русија објави серија напади со украински беспилотни летала, вклучително и над Москва.
Градоначалникот на Москва, Сергеј Собјанин изјави дека руската армија рано утринава соборила два борбени беспилотни летала западно од главниот град на Русија.
🎙️The moment a drone exploded in Moscow tonight.#Russia #Moscow #Kremlin pic.twitter.com/FhB2zON91r
— NATO🇺🇸 VS KREMLIN🇷🇺 (@eduinfotech101) August 22, 2023
Беспилотните летала беа соборени над градот Красногорск и населбата Части, рече тој.
Руското Министерство за одбрана соопшти дека армијата синоќа околу 23 часот по локално време соборила два украински беспилотни летала над Црното Море, на 40 километри северозападно од Крим. Исто така, објавија два соборени беспилотни летала рано утринава во областа Брјанск што граничи со Украина.