33-годишниот Жорлан Алвес да Силва, осомничен за серија убиства во Бразил, бил уапсен додека се обидувал да избега од полицијата облечен во женска облека.
Полицијата го уапсила на 13 септември во општината Мулунгу, во сојузната држава Параиба, на североистокот на Бразил, по 48-часовна операција.
ALERT: Potential most prolific serial killer in Brazil's history found by police disguised as a woman wearing a dress and holding a seemingly random 2-year-old.
Police found Jorlan Alves da Silva, 33, in a striped dress and a loosely fitting black wig in northeastern Brazil.… pic.twitter.com/XhQ9N7vqpJ
— E X X ➠A L E R T S (@ExxAlerts) September 16, 2026
Снимките од апсењето покажуваат како полицајците му ја симнуваат црната перика, под која се гледа неговата кратка коса. Силва носел фустан на пруги, женски сандали, темни очила и имал лакирани нокти. Со себе носел и двегодишно дете, а полицијата истражува како детето се нашло со него.
Според полицијата, Силва е осомничен дека во изминатите три месеци убил најмалку 15 лица за организирани криминални групи. За време на испрашувањето, тој наводно признал дека во текот на животот убил околу 80 луѓе.
Сепак, неговото признание за 80 убиства сè уште се истражува, а бројот на жртвите не е потврден.
Силва бил уапсен откако полицијата претходно запрела возило во кое се наоѓале тој и други осомничени соучесници. Едно лице било уапсено, но Силва успеал да избега. По потрагата, полицијата го пронашла и уапсила.
Детективот Даглас Гарсија од цивилната полиција изјавил дека Силва признал оти првото убиство го извршил на 13-годишна возраст. Според него, осомничениот во текот на животот поминал пет до шест години во затвор за различни кривични дела, а бил ослободен кон крајот на мај годинава.
Еден од случаите што се истражуваат е двојното убиство на двајца бизнисмени на 1 август во Рио Тинто. Гарсија рекол дека Силва точно им покажал на властите каде било закопано едно од телата.
Доколку се потврдат неговите тврдења за 80 убиства, Силва би бил еден од најозлогласените сериски убијци во историјата на Бразил. Пред него, Педро Родригес Фиљо, познат како „Бразилскиот Декстер“, бил осуден за 71 убиство, а самиот тврдел дека убил повеќе од 100 луѓе.