Американскиот претседател Доналд Трамп изјави дека од украинскиот претседател Володимир Зеленски побарал да престане со нападите врз руските рафинерии за производство на дизел, тврдејќи дека украинските удари придонесуваат за раст на цените на горивото на светскиот пазар.
Трамп ова го изјавил пред новинарите во претседателскиот авион „Ер форс 1“ при враќањето од Ирска во Вашингтон.
Trump doubles down on attacking President Zelensky and blaming Ukraine for the surge in energy prices:
“I’ve asked Zelensky not to hit the Russian refineries. Diesel is being driven up by the fact that it’s having a hard time coming out of Russia. That’s a case that hurts the… https://t.co/x4SlvRKnDM pic.twitter.com/gC6R2XuNTN
— Republicans against Trump (@RpsAgainstTrump) September 14, 2026
„Проблемот што го имам со Украина и Русија е што голем дел од дизелот доаѓа (…) од Русија, а Украина ги напаѓа руските постројки“, рекол Трамп.
„Го замолив претседателот Зеленски да не ги напаѓа постројките за дизел, рафинериите“, додал американскиот претседател.
Трамп тврди дека проблемите со извозот на руски дизел придонесуваат за раст на цените на горивото.
„Цената на дизелот расте затоа што е тешко да се извезува од Русија, а тоа му штети на целиот свет. Тоа мора да го запреме“, рекол тој.
Изјавите на Трамп доаѓаат по серијата украински напади врз руската нафтена инфраструктура, со кои Киев се обидува да ги намали приходите и капацитетите за снабдување на Москва за време на војната.
Русија во текот на летото го ограничи и извозот на дизел, додека нарушувањата во снабдувањето од Блискиот Исток дополнително ги намалија количините гориво достапни на светскиот пазар.
Украина во последните месеци ги интензивира нападите со дронови со долг дострел врз руските рафинерии и друга енергетска инфраструктура. Во исто време, Русија продолжува со нападите врз украинската енергетска мрежа и други цели.