Морнарицата ги анализирала звуците што се слушнале откако подморницата била пријавена за исчезната.
Официјален претставник на морнарицата рече дека звукот бил конзистентен со имплозија или експлозија во близина на местото каде што била подморницата Титан кога биле изгубени комуникациите, само неколку часа по нурнувањето. Официјалниот претставник на морнарицата исто така откри дека морнарицата потоа ја препратила информацијата до крајбрежната стража, која ја продолжила потрагата.
Би-би-си пишува дека не е јасно зошто оваа информација не била објавена порано. Но, се верува дека звукот од имплозијата бил забележан од тајниот систем за слушање сонари на долг дострел на морнарицата кој датира од Студената војна.
Во 1950-тите беше создаден систем за звучен надзор за прислушување на советските подморници во далечните длабочини на Атлантскиот Океан.