Најмалку 13 лица загинаа, а 56 се повредени во масовниот руски воздушен напад врз Киев и други украински градови, извршен во текот на ноќта, јавува The Kyiv Independent. Нападот уследи само неколку часа откако украинскиот претседател Володимир Зеленски предупреди дека Русија подготвува нов масовен ракетен удар.
💔 Heartbreaking scenes from Kyiv's Darnytskyi district
The video shows the aftermath of a Russian strike. A massive crater was left between residential buildings.
Emergency responders found a dog in the aftermath of the attack. The fate of its owners remains unknown. https://t.co/lLV2S8RePA pic.twitter.com/XBnbXgGb92
— NEXTA (@nexta_tv) July 2, 2026
Според началникот на Киевската градска воена администрација Тимур Ткаченко и градоначалникот Виталиј Кличко, 32 од повредените се хоспитализирани. Во нападот биле употребени десетици крстосувачки и балистички ракети, како и голем број беспилотни летала.
Во повеќе делови од украинската престолнина уништени се станбени згради, оштетен е хотел во центарот на градот, а избувнаа бројни пожари. Украинските власти соопштија дека штета е регистрирана на најмалку 28 локации, главно на станбени објекти и цивилна инфраструктура.
„Непријателот повторно ги гаѓа станбените населби и убива цивили. Имаме големи разурнувања и значителен број жртви, меѓу кои има и деца“, изјави Ткаченко.
Напади од сите страни
Украинските воздухопловни сили предупредиле дека групи руски дронови се движат кон Киев, како и кон градовите Миколаив, Конотоп и Херсон. Подоцна биле регистрирани нови бранови беспилотни летала кои се приближувале кон главниот град.
Ткаченко изјави дека дроновите го напаѓале Киев „од сите страни“ и предупреди дека во наредните денови се можни нови комбинирани напади со ракети и беспилотни летала. Илјадници жители ја поминаа ноќта во станиците на метрото, кои служат како засолништа.
💔 At least 9 killed as Russia launches overnight attack on Kyiv
More than 30 locations across every district of Kyiv were damaged, according to the Kyiv City Military Administration.
Residential buildings suffered the heaviest destruction. Rescue teams are still searching… pic.twitter.com/Nw0A5vyD3m
— NEXTA (@nexta_tv) July 2, 2026
Во раните утрински часови нападите продолжија со балистички ракети, меѓу кои, според украинските власти, имало и хиперсонични ракети „Циркон“. Во исто време, според извори кои следат воени активности, Русија во акцијата ангажирала до десет стратешки бомбардери.
Уништени згради и пожари низ Киев
Најголеми оштетувања се регистрирани во неколку киевски населби. Во Шевченковскиот реон бил погоден објект на итната медицинска помош, при што се повредени пет здравствени работници, а еден болничар е во критична состојба.
Во истиот реон целосно е уништена станбена зграда, а пожар избувнал и во хотел во центарот на градот, за кој локалните медиуми наведуваат дека станува збор за „Cityhotel Residence“.
Во Десњанскиот реон се урнала деветкатна станбена зграда, при што спасувачките екипи трагаат по лица затрупани под урнатините. Пожари биле пријавени и во Печерски, Соломјански и Голосијивскиот реон.
Зеленски претходно предупреди на нов масовен напад
Неколку часа пред нападот, претседателот Володимир Зеленски изјави дека украинските разузнавачки служби располагаат со информации за подготовка на нов голем руски воздушен напад.
„Еднаш или двапати неделно се соочуваме со масовни воздушни напади. Денес добивме загрижувачки информации дека Русија подготвува уште еден таков напад“, изјави Зеленски.
Предупредувањето дојде во период кога Русија ги интензивира нападите врз повеќе украински региони. Во Харков, во напад со наведувана бомба, загина 15-годишно момче, а 32 цивили беа повредени.
Multiple large fires are burning across Kyiv following last night's combined Russian missile and drone attack, which saw around 50 ballistic and cruise missiles impact the city. pic.twitter.com/qG0itZIh3n
— AMK Mapping 🇳🇿 (@AMK_Mapping_) July 2, 2026
Русија ја менува тактиката
Според украинските власти, Москва во последниот период ја менува тактиката на воздушните напади, користејќи поголем број балистички ракети за да го искористи недостигот од системите „Патриот“ во украинската противвоздушна одбрана.
Покрај станбени објекти и цивилна инфраструктура, во последните напади биле погодени и историски и културни знаменитости во Киев, меѓу кои Националниот музеј на уметноста, Киевската опера, музејот „Чернобил“ и Киевско-печерската лавра.