Најмалку 36 лица загинаа, а повеќе од 50 беа повредени во стампедо на изборен митинг организиран од тамилскиот актер Виџај, изјави премиерот на индиската федерална држава Тамил Наду. Најмалку 24 лекари од блискиот округ Тиручи и 20 лекари од Салем беа испратени да помогнат, објавија локалните медиуми.
Меѓу загинатите има осум деца и 16 жени.
Виџај, еден од најпопуларните актери во државата во последните три децении, привлекува огромни толпи на своите собири откако ја основа својата политичка партија во 2024 година. Тој води кампања за државните избори на почетокот на 2026 година.
Видео снимките објавени од локалните медиуми покажуваат илјадници луѓе околу големо возило на кое зборува Виџај. За време на митингот, тој фрлаше шишиња со вода кон луѓето и побара помош од полицијата кога ситуацијата излезе од контрола.
#WATCH | Tamil Nadu: A large number of people attended the campaign of TVK (Tamilaga Vettri Kazhagam) chief and actor Vijay in Karur
A stampede-like situation reportedly occurred here. Several people fainted and were taken to a nearby hospital. More details are awaited.… pic.twitter.com/4f2Gyrp0v5
— ANI (@ANI) September 27, 2025
Не е прв пат да има проблеми на неговите митинзи. Најмалку шест лица загинаа по првиот собир на неговата партија во октомври минатата година.
Џозеф Виџај Чандрасекар, познат како Виџај, е индиски актер и политичар роден на 22 јуни 1974 година во Ченај, Тамил Наду.
Во текот на својата повеќе од триесетгодишна кариера, тој сними 68 филмови и стана една од најголемите ѕвезди на тамилското кино. Во февруари 2024 година, тој ја основа својата политичка партија Тамилага Ветри Кажагам (ТВК) и започна активна улога во политиката на индиската држава Тамил Наду.