Русите денеска жестоко го нападнаа Чернихив, град на северот на Украина. Во нападот загинаа шест лица, а меѓу загинатите е и шестгодишно дете, соопштија украинските власти.
Проектилите го погодиле центарот на градот и повредиле 37 лица, меѓу кои 11 деца. На жителите им беше кажано да останат во засолништа откако Чернихив беше под руски напад.
This is what it means to live next to a terrorist state. This is what we are uniting the entire world against.
Today, a Russian missile hit the heart of Chernihiv. A square, a university, and a theater. Russia turned an ordinary Saturday into a day of pain and loss. There are… pic.twitter.com/AMgXCVfR7h
— Володимир Зеленський (@ZelenskyyUa) August 19, 2023
„Непријателот го гранатираше центарот на Чернихив. Веројатно балистичка ракета. Останете во засолништа“, рече регионалниот гувернер Вјачеслав Чаус на Телеграма.
Нападот се случил на еден од најголемите православни празници, Преображение Господово.
Украинскиот претседател Володимир Зеленски, кој е во Шведска на разговори, сподели видео од уништувањето во Чернихив. Видеото од нападот во центарот на градот го сподели и Антон Герашченко, советник на украинскиот министер за внатрешни работи.
Меѓу зградите оштетени во нападот рано утринава, оштетени се и универзитетската зграда и театарот. Украинските медиуми објавија неофицијални информации дека производителите на дронови денеска требало да одржат изложба во една од нападнатите згради. Киев Индипендент тврди дека информацијата за изложбата е официјално потврдена.