На социјалните мрежи се појави видео од апсењето на Кол Томас Ален, 31-годишен Американец кој упадна во хотелот Хилтон во Вашингтон, додека таму се одржуваше Гала-свеченоста на дописниците од Белата куќа. Во времето на инцидентот, американскиот претседател Трамп и клучни членови на неговата администрација беа во хотелската балска сала, од потпретседателот Џ.Д. Венс до министерот за одбрана Пит Хегсет и директорот на ФБИ, Кеш Пател.
Видеото го прикажува напаѓачот како лежи на подот, опкружен со голем број униформирани безбедносни сили, како и неколку агенти на Тајната служба во костуми.
‼️VIDEO: First clip shows Secret Service agents apprehending the suspected shooter; second clip shows officers rushing to the scene. pic.twitter.com/M3TXrFS6Ar
— Kateryna Lisunova (@KaterynaLis) April 26, 2026
Поранешниот агент на Тајната служба, Бери Донадио, човек кој самиот работел со години на обезбедувањето во истиот хотел каде што се случил нападот, вели дека ги гледал снимките од синоќешниот хаос „во шок, исто како и сите други“. Сепак, тој верува дека и покрај пробивот на напаѓачот, немало недостиг на персонал на терен.
Донадио го опиша хотелот „Вашингтон Хилтон“ за BBC News како „неверојатно голем“ комплекс, но рече дека снимката јасно покажува дека нема недостиг од агенти, полиција и други службени лица. „Веројатно имале повеќе од доволно луѓе, а ние бевме убедени во тоа бидејќи на крајот успеале да го спречат“, тврди поранешниот агент.
Додека јавноста поставува прашања за тоа како 31-годишниот Кол Томас Ален успеал да отвори оган, Донадио предупредува за брзината на самиот инцидент. Анализирајќи ги снимките од надзорните камери што го забележале самиот почеток на пукањето, Донадио истакнува дека обезбедувањето всушност немало многу време.
„Имале можеби две секунди да реагираат“, објаснува Донадио. Според него, во такви ситуации, сè се сведува на инстинктот и вежбата што ја поминуваат агентите. Фактот дека успеале да ја лоцираат заканата и да го заштитат претседателот во тие две секунди е доказ за него дека обезбедувањето, и покрај почетниот пробив, си ја завршило работата.
Донадио, кој го познава секој агол од Хилтон, нагласува дека големината на просторот е кошмар за обезбедувањето. Бидејќи вооружениот напаѓач бил гостин во хотел, тој имал легитимно право да се движи низ одредени делови од зградата, што му давало предност во однос на агентите кои мора да ја балансираат безбедноста и приватноста на гостите.
Сепак, штом го извадил оружјето и се упатил кон лобито, биле активирани сите нивоа на безбедност. Истражителите сега ги истражуваат овие „сиви зони“ – моментите кога вооружениот напаѓач одел од својата хотелска соба до лобито без никој да го запре пред да се слушнат првите истрели.