Најмалку шест лица загинаа, судбината на 14 е во неизвесност, а повеќе од сто останаа без покрив над главата во налетот на торнадо во северниот дел на американската држава Тексас, изјави шерифот на округот Худ, Роџер Дидс.
– Десетици лица се ранети, рече Дид, на синоќешната прес-конференција. Според информациите на телевизијата Еј-Би-Си бурата разурнала над 80 куќи, а прекинат е и дотокот на електрична енергија.
Очевидци велат дека силниот ветер кревал во воздух автомобили, заедно со луѓето во нив, а потоа ги фрлал на земјата, искорнувал рекламни билборди и десеметарски дрва.
Во регионот имало најмалку две торнада. Погодени се окрузите Худ, Тарант, Далас и Паркер, а најмногу настрдала градот Ганбери. Жителите на некои региони во државата тврдат дека стихијата била придружена со град со големина на портокал.