(ВИДЕО) Силен ураган во Русија, повредени се 11 лица

Од:

Во силен ураган во руската централноазиска република Хакасија повредени се 11 лица, од кои пет се хоспитализирани, соопшти денеска руското Министерство за здравство.

„Според оперативните информации на Републичкиот медицински центар за катастрофи, 11 лица се обратиле до медицинските организации подредени на Министерството за здравство на Хакасија со повреди од различен степен и сериозност“, се вели во соопштението што го пренесува Интерфакс.

Според Министерството за здравство, тројца пациенти се хоспитализирани во меѓуобластната болница во Абакан, двајца пациенти се хоспитализирани во меѓуобластната болница Сајаногорск, а останатите пациенти се на амбулантско лекување.

Сите медицински установи во надлежност на Министерството за здравство на Хакасија се ставени во состојба на готовност.

Претходно беше објавено дека поради пожар е прогласена вонредна состојба во Хакасија, која се наоѓа на територијата на јужен Сибир.

Би можело да ве интересира

Боцан-Харченко: Ситуацијата во Србија е под контрола на властите, надворешните антисрпски сили ги користат протестите

Предраг Петровиќ

Песков: Москва не може да биде принудена на преговори

(ВИДЕО) СБУ користеше дронови за напад на рускиот аеродром на Крим, уништени се хеликоптери

Горан Наумовски

Русија го раскина нуклеарниот договор со Шведска

Русија изгуби 1.017.720 војници во Украина

Руските авиони ја вознемирија Полска кој ги „подигна“ авионите