Пет лица на исчезнатата подморница Титан загинаа во „катастрофална имплозија“, изјави вчера официјален претставник на крајбрежната стража, завршувајќи ја масовната потрага по бродот изгубен за време на неговото патување до Титаник.
Причината за експлозијата се уште не е позната, но експертите велат дека мало слабеење на надворешниот труп на подморницата е доволно за да предизвика катастрофа. Имено, колку подлабоко нуркате, толку повеќе вода имате над вас, што потоа ве притиска.
Here’s an example of what the implosion of the Titan submersible would have looked like. Potentially even more violent given the depths of the mission. #Titan #Titanic #OceanGate #implosion #submarine #submarinemissing pic.twitter.com/1hZTjlxOMg
— Messias (@honestfan_1) June 23, 2023
Според проценките на експертите, подморницата во моментот на имплозијата била на длабочина од околу три километри, што значи дека притисокот во тој момент бил околу триста пати поголем од оној на површината.
Ако имало и најмало слабеење на надворешниот труп, според експертите се случила имплозија. Тоа значи дека моменталната компресија настанува како резултат на дејството на надворешен притисок врз трупот на подморницата што го надминува внатрешниот притисок.
Поранешниот оператор на подморници на морнарицата Марк Бери вели дека експлозијата мора да се случила додека трепнеш.
„Едноставно кажано, водата е многу потешка од воздухот. Имплозијата се случува додека трепнеш. За среќа, човек не би ја ни почувствувал, тоа се случува толку брзо на тие длабочини, така што нема страдање“, накратко изјави Бери. .
Потонатиот брод Титаник лежи во таканаречената „полноќна зона“, официјално позната како пелагична зона, која се наоѓа на длабочина од четири километри. Температурите на овие нивоа се околу 4 степени Целзиусови, а притисокот е најмалку 400 пати поголем од оној на површината.
Многу малку животни прилагодени на живот на таа длабочина еволуирале за да го преживеат екстремниот притисок, темнината и студот – и брзо умираат кога ќе се изнесат на површината.
На големи длабочини, надворешниот притисок предизвикува значителна штета на човечкото тело. Огромната разлика во притисокот може да ги компресира делови исполнети со воздух во телото, што доведува до разни повреди. Белите дробови, на пример, веднаш колабираат или се значително оштетени бидејќи воздухот во нив е компримиран. Може да бидат засегнати и други делови исполнети со воздух, како што се синусите и средното уво.
Нарушена е и циркулацијата на крвта поради разликата во притисокот. Крвните садови колабираат или пукаат, што доведува до внатрешно крварење и оштетување на ткивото. Тешко е да се каже што точно се случило на Титан бидејќи тоа зависи од различни фактори како што се длабочината на која се случила имплозијата, специфичните околности и слично.