Руските трупи понекогаш со недели се обидуваат да заземат и една куќа во клучниот град во Донбас Бахмут, изјави Евгениј Пригожин, шефот на руската платеничка група Вагнер, објави Гардијан.
На видеото објавено на новогодишната ноќ, Пригожин го посетува подрумот во близина на Источниот фронт, каде што се чуваат телата на неговите борци. На водачот на групата Вагнер му покажуваат тела на носилки и во вреќи во импровизирана мртовечница. Во аголот на едната соба се гледаат наредени тела натрупани до висина на рамената.
„Нив им истече договорот, ќе си одат дома следната недела. Овие се подготвуваат да бидат испратени. Ќе работиме и на новогодишната ноќ. Тука лежат борците од Вагнер кои загинаа на фронтот. Сега ги ставаат метални ковчези и си одат дома“, се слуша како вели Пригожин.