Украинските сили за беспилотни системи синоќа погодија осум танкери кои припаѓаат на таканаречената руска флота во сенка во Азовското Море. Нападот го пријави командантот на силите за беспилотни системи, Роберт „Маѓар“ Бровди, пишува Украинска правда.
„Пилотите од единицата Каирос, 414-та посебна бригада „Птици на Маѓар“, пронајдоа и погодија осум танкери на руската „флота во сенка“ во една ноќ. Битката за снабдување со гориво на Крим во Азовското Море продолжува“, рече Бровди. Тој изјави дека покрај танкерите, украинските сили погодиле и товарен брод.
USF Birds played Battleship with the shadow fleet tankers today:
The shadow fleet is leaving the chat.
The battle for fuel supplies to Crimea in the Sea of Azov: 8 shadow-fleet tankers of the rf were hunted down and lit up by pilots of “Kairos” from the 414th Brigade “Magyar’s… pic.twitter.com/QLFHDsuVlW
— 414 Magyar's Birds (@414magyarbirds) July 7, 2026
Според Бровди, сите оштетени танкери се идентификувани. Станува збор за бродови под меѓународни санкции, со мртва тежина од околу 7.000 тони и должина од околу 140 метри, а се изградени помеѓу 2006 и 2012 година.
Имињата на погодените бродови беа објавени и: Венера-3, Санар-1, Санар-17, Климена, Тети, Алексеј Саврасов и Пенелопе. Името на осмиот танкер сè уште се потврдува, додаде Бровди.
Според неофицијални информации, станува збор за танкери што Русите сакале да ги користат за ублажување на драматичниот недостиг на гориво на Крим, кој беше предизвикан од украинските напади со долг дострел врз руските рафинерии и други енергетски капацитети.
Синоќешните напади се продолжение на украинските напади врз цели на окупираните територии. Во ноќта помеѓу 22 и 23 јуни, единиците на украинските сили за беспилотни системи погодија повеќе од 60 цели на Крим и други територии на Украина под руска окупација.