Едно лице загина во утринава напад со руски дрон врз пекара во украинскиот град Суми, соопштија украинските власти. Во моментот на нападот, пекарата подготвувала традиционални велигденски колачи.
⚡️🍞Russians destroyed a bakery in Sumy with three kamikaze drones, killing one person and injuring one, State Emergency Service said.
🎥DSNS in the region pic.twitter.com/COeaIFlIhw
— Denys from Kharkiv (@GlushkoDenys) April 18, 2025
Жртвата бил локален бизнисмен кој дошол во пекарницата да земе нарачка кога дронот удрил во објектот околу 5 часот по локално време, изјави украинскиот министер за надворешни работи Андриј Сибиха.
Украинските служби за итни случаи објавија снимки од местото на нападот. На нив се прикажани послужавници со велигденски колачи покриени со сива прашина, скршени прозорци и оштетена внатрешност. Снимката ја потврдија и новинарите на Ројтерс.
Сибиха го коментираше нападот на платформата X, велејќи: „Толку од „традиционалните христијански вредности“ на кои се повикува Русија.
Нападот доаѓа само неколку дена по најтешкиот ракетен напад на Русија врз Украина оваа година. Во неделата две балистички проектили го погодија центарот на Суми, при што според украинските власти загинаа 35 лица.