Во тек е брутален руски напад врз Харков. Во најжестокиот руски напад со беспилотни летала врз вториот по големина град во Украина досега, најмалку три лица се убиени, а 17 други се повредени.
Оваа информација ја потврди градоначалникот Ихор Терехов.
„Во последните четири часа, градот Харков беше под најтешкиот напад од почетокот на војната. Русите постојано фрлаат наведувани бомби, ракети и беспилотни летала врз станбени области низ целиот град. Беа регистрирани најмалку 60 експлозии, а луѓето беа заробени под урнатините на неколку локации“, пишува Киев Пост.
Russians no longer hide that their war was always about the genocide of Ukrainians, seizure of their land, resources and strategic location as foundation for large scale war against Europe.
And Europeans are letting it happen despite having all power to stop it, right now.
Kyiv pic.twitter.com/XoCJqHs6XK
— Kyiv Insider (@KyivInsider) June 7, 2025
Снимките што кружат на социјалните медиуми покажуваат густ црн чад како се крева над градот.
„Русите повеќе не кријат дека нивната војна отсекогаш била насочена кон геноцид врз Украинците, запленување на нивната земја, ресурси и стратешка позиција како основа за голема војна против Европа. А Европејците го дозволуваат ова, и покрај тоа што ја имаат сета моќ да го спречат – веднаш“, пишува Киев Инсајдер.
Беспилотно летало удри во деветкатна станбена зграда во Основјанскиот округ. Пожарот зафати 12 станови на шестиот, седмиот и осмиот кат, а вкупната површина на пожарот е 600 квадратни метри.