Киев во текот на ноќта повторно беше цел на руски балистички ракетен напад, при што се повредени најмалку две лица, а на повеќе локации избувнаа пожари.
Началникот на киевската воена администрација Тимур Ткаченко соопшти дека нападот предизвикал пожари во Дарницкиот округ, во југоисточниот дел на украинската престолнина.
„Пожари се регистрирани на неколку адреси. Запалена е бензинска пумпа, гори и објект во близина на станбена зграда, како и една нестамбена зграда“, изјави Ткаченко.
🇺🇦🇷🇺Russian Iskander missile hit Kyiv; Ukrainian anti- aircraft gunners Attempts to intercept Iskander missiles in Kyiv. pic.twitter.com/ZqPw994vOO
— War Flash (@WarFlash_2630) June 28, 2026
По нападот, во Киев беше прогласена воздушна тревога, а украинските воздухопловни сили предупредија на опасност од нови балистички ракети кои доаѓаат од северниот правец.
Во меѓувреме, пожар избувнал и во термоелектраната „Саки“ на анектираниот Крим, по ноќните напади извршени меѓу 27 и 28 јуни. Според информациите објавени на Телеграм канали, огнот зафатил резервоари за складирање гориво во рамките на електраната.
NOW — Kyiv: the Ukrainian capital was just attacked by minimum 5 RU 🇷🇺 ballistic missiles. Explosions were heard. New footage was just published that shows that minimum one was shot down by UA 🇺🇦 air defense. — waiting for more information. pic.twitter.com/Mt7N3x4CKG
— @BrennpunktUA 🇩🇪🇺🇦 (@BrennpunktUA) June 27, 2026
Очевидци наведуваат дека во текот на околу еден час биле регистрирани најмалку 16 експлозии, по што над електраната се издигнал густ чад.
Претходно украинските сили извршија напад врз нафтената станица „Второво“, која е дел од инфраструктурата за снабдување со гориво на Москва.
Борбите меѓу Русија и Украина продолжуваат долж повеќе линии на фронтот, додека двете страни секојдневно разменуваат напади врз воени и енергетски објекти.