Русија го погоди и вториот важен мост во Киев, потврди градоначалникот Виталиј Кличко. Со тоа се засилија руските напади врз клучната инфраструктура на главниот град на Украина.
Кличко објави дека во нападот во саботата наутро на Северниот мост се оштетени коловозот и контактната мрежа за тролејбуси. Нападот уследи откако од четвртокот руските дронови повеќепати го гаѓаа и Јужниот мост. Двата клучни моста ги поврзуваат источниот и западниот дел на Киев и до оваа недела не беа цели на напади, што укажува на нова фаза во руските операции.
Кличко утрово на Telegram напиша: „Погоден е Северниот мост. Итните служби се на терен“. Тој додаде дека сообраќајот на мостот од левиот кон десниот брег моментално е блокиран.
BREAKING: Two Russian drones hit major bridge in Kyiv, city mayor says pic.twitter.com/yEPjP2KfS3
— Insider Paper (@TheInsiderPaper) October 1, 2026
Првите експлозии одекнаа нешто по 6:30 часот наутро, непосредно откако предупредувањата означија приближување на дронови кон главниот град. Снимките што се појавија на социјалните мрежи покажуваат силна детонација на мостот во моментот кога по него минуваа цивилни возила, а целосниот обем на штетата врз самата конструкција сè уште се утврдува.
Тоа е веќе четвртиот напад врз киевските мостови во последните два дена. За време на нападот врз Јужниот мост во четвртокот, само брзата реакција спречи трагедија: возач на метрото забележа дрон во напад, нагло го забрза возот и успеа да го извлече полниот воз со патници од зоната на ударот само секунда пред експлозијата.
Поради нападот на Јужниот мост, одбранбениот совет на Киев во петокот одржа итен состанок. Кличко по состанокот изјави дека градот се наоѓа во „многу драматична ситуација“, бидејќи Москва ја гаѓа „критичната инфраструктура, логистиката, станбените згради“ и други важни објекти.
A Russian jet drone just tried to target a train full of commuters as it crossed one of Kyiv's main bridges, barely missing amid bridge wires.
It's all just genocide now. pic.twitter.com/6yHrOHSS1v
— Jay in Kyiv (@JayinKyiv) October 1, 2026
Рускиот претседател Владимир Путин тврди дека станува збор за одговор на украинските напади врз руските енергетски постројки, иако Москва прва започна со таков вид напади.
По нападот на Јужниот мост во четвртокот, патниците во метрото опишаа како прашината од ударниот бран навлегла во вагоните преку вентилацијата. Линиите на метрото беа привремено затворени, но патниот сообраќај подоцна повторно беше воспоставен. Слични прекини беа регистрирани и во петокот по новите напади.
😡 Moment of strike on South Bridge in Kyiv pic.twitter.com/jxPOZLNUnX
— MAKS 26 🇺🇦👀 (@Maks_NAFO_FELLA) October 1, 2026
Двата погодени моста се клучни сообраќајни артерии преку Днепар, по кои секојдневно минуваат десетици илјади луѓе. Јужниот мост, завршен во 1990 година, е највисокиот премин во Киев и, покрај патот кон аеродромот Бориспил и метро-линијата, носи и стратешки инсталации – гасовод под висок притисок и главни енергетски кабли. Сообраќајот на него од безбедносни причини е строго ограничен уште од почетокот на инвазијата во 2022 година.
Воздухопловниот експерт и поранешен инженер на Антонов, Константин Криволап, за „Kyiv Independent“ истакнува дека руската цел најверојатно не е целосно уривање на масивните мостови, бидејќи тоа со расположливото оружје е речиси неизводливо.
„Да се уништи ваков мост со експлозивно полнење од 50 килограми, дури и со боева глава прилагодена за челични конструкции, е грубо претерување. Тоа е практично невозможно; за мост со ваква големина, таквите удари се како убод од комарец“, објаснува Криволап.
Тој додава дека вистинската цел на Москва најверојатно е да го парализира сообраќајот, да ја прекине логистиката и да создаде постојан психолошки притисок врз жителите на Киев.