Ројтерс објави дека имало извештаи за ракети и дронови што летале од Иран и паднале во близина на аеродром во азербејџанската енклава Нахчиван.
Iranian drones has struck Azerbaijan's Nakhchivan region. #Iran #IranWar #IranIsraelWar #IsraelIranWar #azerbaijan pic.twitter.com/rOZcz6V0Ww
— WarFootageHQ (@WarFootageHQ) March 5, 2026
Британската агенција се повикува на извор близок до азербејџанската влада.
Се наведува дека аеродромот во Нахчиван се наоѓа на околу десет километри од границата со Иран.
Азербејџан распоредува воздушна одбрана и ги собира воените сили во близина на иранската граница, објавија локалните медиуми.
Азербејџан го зголеми своето воено присуство на границата со Иран и стави дел од својата армија во состојба на висока готовност.
Единиците се преместени во пограничните области, а воените одмори се откажани.
Во услови на нестабилност на Блискиот Исток, Баку се подготвува за најлошите сценарија со распоредување системи против беспилотни летала и зајакнување на своите јужни граници.
Според локалните медиуми, азербејџанската команда издаде итна наредба за зајакнување на одбраната во јужниот правец, бидејќи ситуацијата по должината на границата долга повеќе од 700 километри станува сè потензична.