Во видеото објавено денеска, родителите на еден млад Иранец кој се соочува со егзекуција поради неговата вмешаност во тримесечно протестно движење ги молат иранските правни власти да го поштедат нивниот син.
Мехди Мохамад Карами би можел да биде третиот Иранец погубен во врска со демонстрациите предизвикани од смртта на Махса Амини на 16 септември, која беше приведен од моралната полиција поради неправилно носење хиџаб.
Според Амнести интернешенел, тој е меѓу петте лица осудени на смрт за напад во кој беше убиен припадник на паравојската за време на погребна церемонија на демонстрантка во Карај, во близина на Техеран.
„Со почит барам од судските власти и ве молам да ја укинете смртната казна во случајот со мојот син“, рече таткото на Мехди Мохамад, Машала Карами, во видеото објавено на социјалните мрежи.
Kurdish Karate champion, Mohammadi Mehdi Karami’s parents pleading with authorities to revoke their son’s death sentence in #Iran (with English subtitles). #IranRevolution #JinJiyanAzadi #JinaAmini #StopExecutionsInIran pic.twitter.com/O9v2Xj7UBM
— Tara Fatehi (@tara_fatehi) December 19, 2022
Тој го опиша својот син како шампион во карате, репрезентативец кој победи на натпреварите во Иран. Мајката на момчето кое има околу 20 години исто така моли да биде поштеден нејзиниот син.
Мехди Мохамад Карами беше осуден на помалку од една недела по почетокот на забрзаното и нефер судење кое во никој случај не наликува на валидна судска постапка, соопшти Амнести интернешенел.
Машалах Карами за локалните медиуми изјави дека адвокатот на семејството не можел да пристапи до досието на неговиот син и дека адвокатот назначен од судот не одговорил на бројните повици.
Иран објави 11 смртни казни за вмешаност во „немири“, за кои вели дека биле поттикнати од „странски непријатели“, особено САД и Израел.
Пресудите дојдоа по судирите со безбедносните сили. Според Амнести, покрај 11-те лица кои се веќе осудени, уште 15 се обвинети за кривични дела кои предвидуваат смртна казна.