По пропаѓањето на преговорите меѓу Иран и САД во Исламабад, американскиот претседател Доналд Трамп се огласи на својата социјална мрежа Truth Social.
Иако не коментираше директно за преговорите, објави два поста.
Во првиот, тој сподели статија со наслов „Адутот на Трамп ако Иран не се согласи: поморска блокада“.
Текстот, напишан од контроверзниот американски новинар Џон Соломон, беше објавен на неговата конзервативна веб-страница Just the News. Статијата цитира експерти кои веруваат дека Трамп „едноставно би можел да употреби блокада за да ја надмине контролата на Иран врз Ормутскиот теснец“.
Во друг, тој го сподели својот претходен говор во кој ја критикуваше Европа.
„Јас сум претседател на Соединетите Американски Држави, но сум загрижен за Европа. Ја сакам Европа, ги сакам луѓето од Европа и мразам да ги гледам уништени од енергетиката и имиграцијата. Ова чудовиште со две опашки уништува сè пред себе, а Европејците не смеат да дозволат тоа да им се случи.
Тие го прават ова затоа што сакаат да бидат добри. Тие сакаат да бидат политички коректни и го уништуваат своето наследство. Тие треба да ја преземат контролата врз имиграциската катастрофа и лажната енергетска катастрофа сега, пред да биде предоцна. Тие се на пат кон целосно уништување“, рече Трамп во својот говор во ОН.