Лидерот на руската платеничка група Вагнер, Евгениј Пригожин, денеска преку видео објави дека неговите сили контролираат повеќе од 80 отсто од источниот украински град Бахмут.
Yevgeny Prigozhin confirmed today that some Wagner PMC assault battalions have pulled out of Bakhmut, transferring 'control' to the 🇷🇺 Army Airborne Troops. #Russia #Ukraine pic.twitter.com/zRSFAtFVVb
— WhereisRussiaToday (@WhereisRussia) April 11, 2023
Платениците на Вагнер ги предводат повеќемесечните напори на Москва да го заземе Бахмут, кој се претвори во една од најкрвавите битки во 13-месечната инвазија на Украина.
Битките за ровови и постојаниот артилериски оган потсетуваат на Првата светска војна поради огромните жртви од двете страни.
Во видеото објавено од руски воен блогер на Телеграм, Пригожин покажува на мапата на областа како неговите сили продолжуваат да го опкружуваат сега целосно уништениот град, во кој пред војната живееле околу 70.000 луѓе.
„Во Бахмут, поголем дел, повеќе од 80 отсто, сега е под наша контрола, вклучувајќи го целиот административен центар, фабриките, магацините, градската администрација“, рече Пригожин.
Со црвен маркер тој означи релативно мал, главно станбен дел од градот, кој руските сили допрва треба да го освојат.
„Војната продолжува таму“, рече тој.