Вкупно 46 лица загинаа, а повеќе десетици се повредени во пожарот што ноќеска зафати 13-катна зграда во јужниот дел на Тајван, јавуваат странските агенции.
Повредените се на возраст од осум до 83 години.
Во повисоките катови од зградата живееле околу 120 станари, додека долните биле ненаселени.
Зградата, стара 40 години, се запалила околу три часот наутро, соопшти противпожарната служба во градот Каосиунг.
Пожарот е изгаснат по повеќе од четири часа, а акцијата за пребарување и спасување е во тек.
A fire engulfed a 13-story building overnight on Thursday in southern Taiwan, killing at least 14 people and injuring 51 more.#ShamshadNews #Fire #Taiwan #Casualties pic.twitter.com/bwBipdoYQz
— ShamshadNews (@Shamshadnetwork) October 14, 2021
Командантот на градската противпожарна служба Ли Чинг-Си рече дека пожарникарите се уште се пробиваат низ зградата и дека е можно бројот на жртви да се зголеми.
Градоначалникот Чен Чи рече дека зградата била делумно напуштена и дека во неа претходно имало ресторани, караоке клубови и кина.
Властите ги истражуваат причините за пожарот, вклучувајќи ја и можноста да е подметнат.