ВИДЕО: Поплавени тунели, откажани сите возови на Еуростар од Европа до Лондон

Од:

Поради поплавените железнички тунели во југоисточна Англија, денеска се откажани сите возови што го поврзуваат Лондон со европското копно. Ова го соопшти меѓународниот железнички оператор Еуростар, кој ќе ги наруши новогодишните планови на илјадници патници.

Еуростар прво откажа 14 возови, а потоа реши да ги укине сите, вкупно 41, бидејќи водата во тунелите не се повлече.

Не е познато што ги предизвикало поплавите во железничките тунели под реката Темза во близина на Ебсфлит, источно од Лондон.

Делови од Англија беа погодени од силен дожд во последните денови. На југот на Англија е прогласена жолта опасност поради силниот ветер.

Телевизиските снимки покажуваат како вода влегува во еден од тунелите и ги покрива пругите, додека стотици патници со куфери чекаат на станица во Лондон.

Ова е втор пат возовите на Еуростар да доцнат за време на овогодинешните божиќни празници.

Неочекуваниот штрајк на француските работници на 21 декември го прекина божиќното патување на илјадници патници.

Би можело да ве интересира

Два напади со самострел во Лондон

Горан Наумовски

(ВИДЕО) Гори полициска станица во Лондон, пожарот го гаснат 175 пожарникари

Горан Наумовски

(ВИДЕО) Пожар во Лондон, 11 лица завршија во болница

Горан Наумовски

Демонстрантите во Лондон кои маршираа за поддршка на Палестина го затворија Тауер бриџ

Горан Наумовски

Полицијата oд Лондон извести: Веруваме дека го пронајдовме телото на напаѓачот од Лондон

Горан Наумовски

Лондон: Девет лица се повредени со киселина, жена и деца се префрлени во болница

Горан Наумовски