Пред трилатералните преговори во Женева, американскиот претседател Доналд Трамп ѝ порача на Украина дека „подобро е брзо да седне на преговарачката маса“. Трамп го кажа ова на новинарите во претседателскиот авион „Ер Форс Уан“, пишува Украинска правда.
Trump: Ukraine better come to the table fast. We have big talks in Geneva — it should be very easy. We want them to come. pic.twitter.com/7uDz4NfD7a
— Tymofiy Mylovanov (@Mylovanov) February 17, 2026
Коментирајќи ги трилатералните разговори што се одржуваат на 17 и 18 февруари во Женева, Трамп рече: „Нè очекуваат големи преговори. Треба да бидат многу лесни“.
„Подобро е Украина брзо да седне на преговарачката маса. Тоа е сè што можам да кажам“, заклучи тој.
Да ве потсетиме дека украинската делегација пристигна во Женева синоќа. Пред оваа рунда преговори, руската страна направи промени во својот тим, па делегацијата сега ќе ја предводи Владимир Медински, помошник на рускиот претседател Владимир Путин. Украинскиот претседател Володимир Зеленски изрази надеж дека овие промени нема да ги забават преговорите со САД и Русија за евентуален крај на војната.