Кинеските власти соопштија дека 21 лице загинало откако автобус ја пробил заштитната ограда покрај патот и се превртел во езеро во југозападниот дел на земјата.
Според првичните информации, не е позната причината за настанатата несреќа. Автобусот ненадејно свртел и се превртел во езерото Хонгшан. Локалните власти соопштија дека се спасени 15 лица и веднаш се пренесени во болница, а автобусот бил извлечен од езерото. Меѓу патниците имало и ученици кои тргнале на приемни испити, кои оваа недела се одржуваат во Кина.
Во интервенцијата за спасување учествувале повеќе од 140 припадници на протипожарната служба и 19 нуркачи, инцидентот е снимен од блискиот видео надзор.