Градот кој стана препознатлив во светот по смртоносната пандемија на Ковид-19, денес повторно е во фокусот на светската јавност по информациите дека целата тамошна област е поплавена како резултат на поројните дождови.
Вухан се наоѓа во тешка положба, бидејќи животите на милиони луѓе се доведени во прашање, а кинеските власти го подигнаа нивото на заштита на алармантно по регистрираните дводневни врнежи од дожд во градот и околината. Регистрирани се повеќе од 250 милиметри дожд за 24 часа или 250 литри на метар квадратен, пренесоа кинеските медиуми.
#Wuhan. 武汉武昌虎泉，保利华都 pic.twitter.com/44nyH8kLEq
— Jennifer Zeng 曾錚 (@jenniferatntd) July 5, 2020
Водата во каналите и речните корита го премина максималното ниво за интервенција во случај на поплава предвидено од локалните служби, во моментов сите сили се на терен и спасуваат човечки животи. Нивото на заштита од поплави е подигнато на второ од вкупни четири, изјавија кинеските власти.
#China: Floods hit #Wuhan– the epicenter #coronavirus pandemic.#Chinafloods #Chinaflooding #WuhanFloods #Floods #COVID pic.twitter.com/hjyzN4wUGY
— Annu Kaushik (@AnnuKaushik253) July 6, 2020
Според метеоролозите, се очекува врнежите да продолжат не само во Вухан, туку и во многу други градови во Кина, кои се наоѓаат во опасност, а со тоа и милиони луѓе се во секојдневна неизвесност и страв за својата иднина. Најризично е во провинцијата Хубеи, чиј главен град е Вухан, кој неодамна беше најтешко погоден од коронавирусот, со повеќе од 3.900 жртви.