На интернет се појави вознемирувачко видео на кое се гледа како два питбули на сред улица во Бронкс се обидуваат да растргнат човек кого го оборија на земја. Жената која го снимаше нападот истовремено повика и помош што се слуша на снимката.
Нападнатиот, средновечен маж во жолта маица, лежи на земја додека кучињата кружат околу него и го касаат. Тој на почетокот се брани, но потоа ја губи силата и кучињата го влечат кон тротоарот.
Иако не е јасно кој е сопственик на кучињата, прикажан е и друг човек кој се обидува да се постави помеѓу питбулите и жртвата во текот на нападот.
Се слуша викање, а подоцна и минувач ги прска со вода да се оддалечат.