Доцна синоќа околу 11 часот делумно се урна хотел во германската покраина Рајнланд-Пфалц. Едно лице е пронајдено мртво, а осум останале заробени под урнатините. Неколку лица се спасени од урнатините меѓу кои и едно дете.
Според германските медиуми, се работи за двегодишното дете кое нема видливи повреди, но ќе биде однесено и прегледано во болница.
Заедно со детето спасени се уште две жени и еден маж и куче.
Затрупаните под урнатините се на возраст од две до 81 година, пренесоа германските медиуми.
Се уште не е јасно што ја предизвикало несреќата.