Руската војска во средата објави дека соборила неколку украински беспилотни летала на нејзина територија. Руската војска на Телеграм објави дека соборила три украински беспилотни летала над јужниот регион Брјанск, еден над централниот регион Орлов и еден во регионот Калуга, јужно од Москва.
💥The moment the #IL76 was hit in #Pskov Airbase pic.twitter.com/Lap3koOpeo
— KyivPost (@KyivPost) September 1, 2023
Руските власти соопштија дека бил нападнат аеродромот Псков во близина на границата со Латвија и Естонија.
„Министерството за одбрана го одби нападот со дрон на аеродромот во Псков“, напиша гувернерот на Псков, Михаил Ведерников на апликацијата за пораки Телеграм.
„Како резултат на нападот со беспилотно летало, оштетени се четири авиони Ил-76. Избувнал пожар, а два авиони се запалија“, јави руската новинска агенција ТАСС, повикувајќи се на итните служби.
„Киев пост“ сега објави наводна снимка од ударот во еден од авионите.