Претседателот на САД Барак Обама изјави дека се уште не се знае кој и зошто го извел нападот во Бостон, но нагласи дека поединец или група која тоа го сторила ќе биде откриена и правдата ќе биде извршена.
Обама нагласи дека во тек е истрага.
– Продолжуваме да ја следиме ситуацијата. Американците се молат за Бостонци, како и Мишел и јас за семејствата на жртвите, изјави Обама на брифинг во Белата куќа.
– Разговарав со лидерите на двете партии во Конгресот, денес не сме републиканци или демократи, туку Американци, изјави Обама.
Тој вети дека сета можна федерална помош ќе им биде дадена на граѓаните на Бостон.
– Денес беше празник во Бостон. Тоа е цврст град и граѓаните ќе се држат заедно и ќе продолжат понатаму, изјави синоќа Обама.