Стотици домови се оштетени откако, како што пишува Би-би-си, локализирано торнадо зафати дел од Манчестер. Полицијата прогласи голем инцидент по торнадото поради сериозноста на штетата и потенцијалниот ризик за јавната безбедност.
Торнадото ги откорна покривите од куќите, уривајќи дрвја и ѕидови.
Полицијата соопшти дека нема извештаи за повредени.
#tornado looks like Manchester has been hit by a tornado! pic.twitter.com/Ul0P5n0d2b
— D𝕏_ (@vocnorth) December 28, 2023
„Овој инцидент несомнено погоди многу луѓе, при што многу жители беа раселени од нивните имоти преку ноќ. Наш најголем приоритет е да ги заштитиме луѓето, поради што ги советуваме раселените да не се враќаат или да не влегуваат во нивните домови кои се значително оштетени“, рече началникот на противпожарната служба.
Бурата Герит што ја погоди Велика Британија вчера остави илјадници луѓе без струја. Како што пишува Sky News, околу 14.000 домаќинства утринава се уште се без струја. „Условите на терен се лоши, силниот ветер ни ја отежнува работата, некои би можеле да останат без струја 48 часа“, велат од локалното електростопанство.