Кога Бенјамин Нетанјаху беше повикан во Белата куќа во саботата, се очекуваше да биде итен состанок со Доналд Трамп за да се реши новата царина од 17 отсто што САД ја воведоа за израелска стока. Како што пишува Sky News во својата анализа на ситуацијата, израелските власти неофицијално им го сугерирале тоа на новинарите.
Се чинеше дека Израел ќе стане модел, еден вид тест случај за остатокот од светот. Нетанјаху претходно најави дека неговата влада ќе ги отстрани сите царини и трговски бариери за американските стоки кои влегуваат во Израел.
Трамп го отвори состанокот повикувајќи го Нетанјаху да му каже на светот што ќе направи Израел за САД. А Нетанјаху, со сета почит, го направи токму тоа.
„Ќе ги отстраниме дефицитните и трговските бариери кои беа непотребно воведени“, рече тој, додавајќи дека тоа „може да послужи како модел за другите земји“.
Беше разбирливо да се очекува дека Трамп ќе понуди нешто за возврат, но тоа не се случи. Наместо тоа, американскиот претседател го насочи разговорот на други теми, од Иран до Газа, без никакво повикување на царините.
Кога израелскиот новинар Јанир Козин од GLZ Radio конечно го постави очигледното прашање дали Трамп ќе ги намали тарифите за израелските стоки, одговорот беше поразителен. „Не сум сигурен“, рече Трамп. „Ќе видиме. На Израел му даваме милијарди долари, 4 милијарди годишно. Се грижиме за пријателите, а не за непријателите.
Недефинирано, контрадикторно и, како што забележува Скај, можеби намерно необврзувачко.