Несреќа се случи вчера во саудискиот град Таиф во забавен парк во областа Aл-Хада, при што се повредени 23 лица, меѓу кои и неколку девојки. Три лица се тешко повредени. Според информациите што ги доби саудискиот портал Сабк од извори блиски до истрагата, инцидентот се случил додека група девојки уживале во возењето на еден вид вртелешка познати како „360“.
Last night in the city of Taif which is in eastern Saudi Arabia – a ride called 360 collapsed while it was full of people. Dozens of people were injured, some seriously via @kaisos1987 pic.twitter.com/OByfREaFRR
— Michael Elgort (@just_whatever) July 31, 2025
Одеднаш, системот се срушил и машината на која се возеле се скршила на половина. На видеото објавено на социјалните мрежи може да се види моментот на уривањето, како и вресоците на шокираните девојки, како и посетителите на забавниот парк кои во тој момент биле во близина.
Надлежните безбедносни и итни служби реагирале веднаш откако бил пријавен инцидентот и пристигнале на местото на настанот.
Повредените се однесени во болница, а властите започнаа итна истрага за да ги утврдат околностите и причината за несреќата.
Еден од роднините на повредениот изјавил за Сабк дека двајца негови роднини претрпеле сериозни повреди и моментално се на интензивна нега.