Илјадници Филипинци денеска мораа да ги напуштат своите домови поради ерупцијата на вулканот Тал, што исфрли пепел и пареа во височина од неколку стотини метри.
Taal volcano eruption in Philippines prompts evacuation warning..
The #Philippine Institute of Volcanology & Seismology (Phivolcs) on Saturday raised the status of Taal #Volcano to Alert Level 3 following a phreatomagmatic eruption. pic.twitter.com/UICeWbybhK
— Ayman Mat News (@AymanMatNews) March 26, 2022
Ерупцијата на вулканот, што се наоѓа во средината на езерото Тал, јужно од Манила, почна во 7.22 часот по локално време, соопшти Филипинскиот институт за вулканологија и сеизмологија.
Институтот предупреди дека се можни дополнителни ерупции и дека вулканот освен пепел и пареа може да испушти и опасен гас, а можно е и цунами.
Се препорачува евакуација на населението во близина на езерото, каде има пет села во кои живеат околу 12.000 жители.
Вулканот Тал е еден од најактивните вулкани на Филипините, а се наоѓа на островот Лузон. Пристапот до вулканот во средината на езерото Тал е забранет од јануари 2020 година бидејќи исфрлаше лава врз десетици куќи. Во ерупциите загина добиток, а неколку илјади луѓе веќе се раселени.
Извор: МИА