Најмалку седум лица загинаа откако воен авион се урна денеска попладне на аеромитинг одржан на аеродрмот Шорхем, во близина на Брајтон, во јужниот дел на Велика Британија.
Уште едно лице со тешко повреди се наоѓа во животна опасност, јави Би-Би-Си.
Во несреќата полесно се повредени и 14 лица.
Авионот, што претходно изведувал лупинг, при падот погодил неколку автомобили на автопатот А27, што води на север од аеродромот.
Претходно беше соопштено дека во инцидентот се повредени неколку лица, а пилотот е извлечен од запалените остатоци. Засега нема информации кои се загинатите во несреќата, ниту дали меѓу нив е пилотот.
Станува збор за воен авион Хокер Хантер, борбен авион едносед што се произведува во Велика Британија од 50-тите години на минатиот век.