Најмалку шест лица загинаа, а неколку се повредени во напад со возило во близина на Светскиот трговски центар на Менхетен во Њујорк. Откако возилото на напаѓачот се судрило со друго возило тој продолжил да пука од огнено оружје.
Од полицијата потврдија дека возилото влегло на велосипедска патека каде што удрило неколку луѓе и известија дека има неколку жртви и голем број повредени.
Напаѓачот бил застрелан од страна на полицијата, по што бил уапсен, а властите уверуваат дека опасноста е помината.
VIDEO from scene shows multiple bikers laying on the ground after being struck by a truck pic.twitter.com/bFPVdi1rAh
— New York City Alerts (@NYCityAlerts) October 31, 2017
Инцидентот се истражува како можен терористички напад, а според американските медиуми напаѓачот извикувал „Алах акбар“ (Господ е голем).
Полицијата ги замоли граѓаните да не се движат во близина во местото на настанот, поради истрагата која е во тек и за да се остави простор за амбулантните возила.