21 лице загина во пожар што избувна во болница во Пекинг, јавуваат кинеските медиуми.
Пожарот избувна во болницата Ченгфенг, а повеќе од 70 луѓе се евакуирани.
На социјалните мрежи кружат снимки од црн чад кој извира од зградата на болницата, а некои луѓе се обидуваат да избегаат фрлајќи врзани чаршафи низ прозорецот.
Communist #china's capital, Beijing Changfeng Hospital massive fire broke out & killed a whopping 21. Hospital sprinkler system fail to put out the fire, many doctors & nurses escaped w/o patients. https://t.co/huJeJ8HLCe pic.twitter.com/qb6HSjlhHh
— Northrop Gundam ∀🦅⚔️☭⃠ (@GundamNorthrop) April 18, 2023
Луѓето, исто така, стојат на надворешните единици за климатизација и чекаа помош.
Една жена се спасила спуштајќи се неколку метри со помош на чаршаф, а потоа скокнала на покривот на друга болничка зграда.
Повикот до противпожарната бригада пристигнал околу 13 часот по локално време. Пожарот бил локализиран дури околу 18 часот, а надлежните потврдиле дека во пожарот загинало 21 лице.
Причината за пожарот се уште не е позната.