Најмалку 16 лица беа убиени, а уште 35 ранети во напад на руските сили врз казнена установа во регионот Запорожје, во југозападна Украина, потврдија локалните власти. Нападот е извршен во понеделник вечерта, а украинските власти истакнуваат дека затворските згради се целосно уништени, пишува The Guardian.
Rusiya Zaporojyedə cəzaçəkmə müəssisəsini vurub, 16 nəfər ölüb, 35 nəfər yaralanıb#Russian #Ukraina #BREAKING pic.twitter.com/LDj3uR4OIg
— APA İnformasiya Agentliyi (@APA_agentliyi) July 29, 2025
„Затворските објекти беа уништени, а погодени беа и приватни куќи во близина“, напиша гувернерот Иван Федоров на Telegram. Покрај тоа, четири цивили беа убиени во одделни руски напади врз регионот Дњепропетровск, објавија локалните власти. Неколку други лица беа ранети во овие напади, но точниот број сè уште не е познат.
Серијата напади е меѓу најсмртоносните во последните месеци, при што руските сили редовно го напаѓаат Запорожје со беспилотни летала, ракети и воздушни бомби од почетокот на инвазијата во 2022 година. Федоров рече дека осум ракети, вклучувајќи моќни бомби, биле испукани кон областа Запорожје во текот на ноќта.