Најмалку 15 лица загинаа, а 20 други се ранети денеска при вооружен напад во колеџ во градот Роузберг во американската сојузна држава Орегон, соопшти локалната полиција.
ДПА јави дека полицијата успеала да го совлада и уапси напаѓачот, чиј идентитет и мотиви за нападот не се соопштени.
Според Крис Бојс, полициски комесар на Округот Даглас, во кој се наоѓа колеџот Умпкуа, инциднетот се случил во 10:40 часот по локално време (19:40 според средноевропско време).
Некои американски медиуми јавија дека напаѓачот уште вчера на интернет страницата „4chan“ ги објавил своите намери за нападот во колеџот.
Градот Роузберг, кој има околу 20.000 жители, се наоѓа на околу 420 километри јужно од Портланд.